睇風水最常會諗起啲乜，當然係風水師傅一手拎住羅庚一手篤篤手指輕輕講出：「此宅坐南向北，來龍有力，九曲灣水聚貴，宅主入住後三年來必大富大貴，升官發財也。」此番話一出自師傅把口，相信宅主最少都興奮到幾日幾夜唔駛訓。
然而，在現今社會，尤其香港呢個人同樓都咁密集既地方，量坐向有時都係一種挑戰。
乜唔係用羅庚放喺門窗平衡線上就量到坐向咩？理論上係，實際上干擾多到不得了，電話、ＷＩＦＩ、鋼筋、平板、各類電器、發射塔等，通通都影響到量度方位既準確答案。即使以一間清水樓為例，干擾都不是完全沒有的，鋼筋、樓上樓下已入伙人仕屋內的干擾品等，也對坐向量度產生影響。故此量坐向必須要選擇干擾不多同時又能準確量到宅向既地方進行量度。
今時今日仲有一種方法，就係參考埋衛星地圖。當然用衛星地圖去搵坐向都有一定技巧，搬字過紙都係唔通。但係唔係間間屋都會出現係衛星地圖，例如村屋、丁屋、新建既屋村、香港以外既地方等等。遇到干擾多難度高同時係衛星地圖又搵唔到既地方真係暈左係到！
至於睇風水係咪一定要用坐向呢？其實又唔一定，用形家、法家方法去判斷一宅之風水係唔需要用到坐向既。有機會再分享！
食神子 ２０２５年３月２４日